Monday, May 17, 2010

ဒီတစ်ကြိမ် ဒီနွေ

အဝါရောင်လမ်းကလေးထဲက ကိုခင်မောင်တိုးကြီးရဲ့ သီချင်းလေ။ ...ဒီတစ်ကြိမ်ဒီနွေ လောင်ကျွမ်းလွန်းလှလို့ နေဆယ်စင်းအပြိုင် ထွန်းပသလိုကွယ်... ဂစ်တာလေးနဲ့ ဆိုလို့ကောင်းတာပေါ့။ အခုတော့ မဆိုချင်တော့ဘူး။ ပူလိုက်တဲ့ ရာသီဥတု။ တစ်ကိုယ်လုံး မိတ်တွေနဲ့။ ယားလိုက် စပ်လိုက်တာ။

ပြီးခဲ့တဲ့ ရက်ပိုင်းက တောင်ကြီးကို ရောက်တော့ ဒီနှစ် တောင်ကြီးမှာ အပူဆုံးပဲတဲ့။ အရင်က AirCon မလိုဘဲ ဖွင့်ထားတဲ့ ကွန်ပျူတာတွေ ပူလို့ ပျက်ကြတယ်တဲ့။


အပူဆုံးနှစ်လို့ ပြောတဲ့ တောင်ကြီး

မြန်မာပြည် နေရာဒေသတော်တော်များများမှာလည်း ရေကန်တွေခန်း၊ သောက်ရေသုံးရေတွေ အခက်အခဲ ဖြစ်ကြတယ်တဲ့။


မရှိမဖြစ် ရေ


ရေလည်းခန်း ကြာလည်းနွမ်း <ဒလက ရေကန်တစ်ခု>


ရေသယ်တဲ့ကား

ရေရဖို့ တန်းစီ

မီးမီးလည်း နိုင်သလောက်သယ်တယ်

ရေရဖို့ ချွေး



ရေသယ် ယောင်္ကျားများ (ရေသယ်တဲ့ ယောင်္ကျား)



မနေ့က <16-may-2010> မှာ ကိုစိုးဇေယျက အလှူရှင်အများအပြားရဲ့ စေတနာနဲ့ လှူဒါန်းတဲ့ သောက်ရေသန့်တွေကို ဒလဘက်မှာ သွားလှူကြမယ်ဆိုလို့ လုပ်အားပေးလိုက်သွားခဲ့ပါတယ်။



ပူလိုက်တဲ့နေ ဆိုတာတော့ မပြောပါနဲ့တော့။ မျက်နှာတွေ၊ လက်တွေ နေနဲ့ တိုက်ရိုက်ထိတဲ့ နေရာတွေမှန်သမျှ စပ်ဖျင်းကုန်တယ်။ အဖုတွေ ချက်ချင်းထွက်လာတယ်။ ဒလက နေရာနှစ်ခုမှာ ရေသန့်လှူတဲ့ လုပ်အားပေးခဲ့တယ်။ ရွာလား၊ ရပ်ကွက်လား သေချာ မသိလို့ အတိအကျတော့ မပြောတတ်ဘူးဗျ။ နံပါတ်တွေနဲ့ တပ်ခေါ်တယ်ထင်တယ်။ မမှတ်မိတော့ပါ။

ရန်ကုန်ကို တစ်ခေါက်ပြန်ပြီး ရေသန့်ဗူးတွေ သွားသယ်ရသေးတယ်။ ဝါးတန်း ဆိပ်ကမ်းကနေ မြကျွန်းသာ (Sedona Hotel အနား)မှာ သွားသယ်တာပါ။ ဖိုးသူတော်ကိုတောင် ပြောဖြစ်သေးတယ်။ မနေ့က ညက Sedona Hotel မှာ လုပ်တဲ့ မမီးလေးရဲ့ မင်္ဂလာဆောင်ကို ကျော့ကျော့လေး လာစား၊ ဒီနေ့နေ့လည် မှာတော့ ဒီ Sedona Hotel ရှေ့နားမှာပဲ ပူပြင်းတဲ့နေအောက်က ရေသန့်သယ်တဲ့ အမိုးမပါ ဘာမပါ ကားကြီးနဲ့ ရေသန့်တွေ လာသယ်။ အဖြစ်အပျက်တွေက အဲလို။

မနေ့က ညက ၇ နာရီလောက်က သောကြာကြယ်က လကို ဖောက်တယ်တဲ့။ လူကြီးသူမတွေ အပြောအရ သောကြာကြယ်ကြီး လကိုနီး ပြည်ကြီး ပျက်လတ္တံ့ဆိုလား။ ပျက်ရအောင် တို့ပြည်ကြီးက နဂိုကတည်းက အင်းး နဂိုကတည်းက (မပျက်နိုင်တဲ့ ပြည်ကြီး)လို့ ပြောမလို့ပါ။

အခု ဒီ Post လေး ရေးနေရင်းပဲ ရန်ကုန်မှာ မိုးတွေ ရွာနေပြီ။ အပူကနေ ရုတ်တရက် အေးသွားတော့ တစ်မျိုး စိုးရိမ်ရပြန်ရော။ မစို့မပို့လေးတော့ မရွာပါနဲ့ဗျာ။ မုန်တိုင်းကျလောက်အောင်လည်း မသည်းပါနဲ့။ ကြောက်နေရတယ်။

ရေ ဘာကြောင့်မရ၊ မိုးဘာကြောင့်မရွာ၊ ရာသီဥတု ဘာကြောင့်ပူ၊ အဲဒါတွေ သိဖို့ ပတ်ဝန်းကျင်ဆိုင်ရာ ကျွမ်းကျင်သူဖြစ်မှလား။ Online/Offline မီဒီယာတွေမှာ ပါတတ်တဲ့ သဘာဝပတ်ဝန်းကျင်နဲ့ ဆိုင်တဲ့ သတင်း၊ ဆောင်းပါးတွေကို ကျော်ဖတ်ကြသလား။ လူတိုင်း လုပ်နိုင်သလား။ ကျွမ်းကျင်သူ၊ ပိုက်ဆံရှိသူတွေပဲ လုပ်နိုင်တဲ့ အလုပ်တွေလား။ အလှူတွေက အမြဲတမ်းအတွက် ရေရှည်အတွက် ဖြေရှင်းချက်မဟုတ်တော့ ဘာတွေကို ဘယ်လိုကာကွယ်ကြရမှာလဲ။ Do and Don't တွေက ဘာတွေလဲ။

မီးပျက်တော့မယ်ထင်တယ်။ Bye

အစစ အရာရာ အဆင်ပြေကြပါစေခင်ဗျား။