Friday, June 27, 2008

HMY Update

ဆောက်လုပ်ပြီးစီး


ပြင်ကနုကုန်း (C-5)
ပြင်ကနုဝ (C-5)
ကုက္ကိုလ် (S-39)
ကျောင်းစု- ရွှေကျွန်းသာ (S-25)
ကညင်တပင် (S-9 C-4)
ရခိုင်ကုန်း (C-6)
သိုင်းချောင်း (S-23)
မလေးကြီးကုန်း (S-6)
ကန့်ဘလာတစ်ပင် (C-6)
ဆင်ကွင်း (S-6)


ဆောက်လုပ်နေဆဲ

ဒေါင့်ချောင်း (S-9)
အထက်စု (C-5)
ဒရယ်ဖြူ (S-5)


နောက်ဆုံးဆောက်လုပ်မည့်ရွာ

ဆိပ်ကလေး (S-29)
ချောင်းကြီး (-)


ဆိပ်ကလေးက မနက်ဖြန် စဆောက်ပါမယ်။ ဆောက်လုပ်နေဆဲ ရွာတွေက ပစ္စည်းတွေ ချထားပေးပြီးသားပါ။ တချို့က လာမတိုက်သေးတာ၊ တချို့က ပြီးမပြီး အကြောင်းမပြန်သေးတာပါ။ ကျွန်တော့်ဆီကို လှူထားပါတယ်ဆိုပြီး အီးမေးလ်တွေ ပို့ထားတာ တွေ့ရပါတယ်။ ဒါပေမယ့် ကျွန်တော် လက်ခံ မရရှိသေးတာတွေလည်း ရှိနေပါတယ်။ ဒါကြောင့် ဒီနေရာမှာ [Donor List] ကျွန်တော်တို့ လက်ခံ ရရှိတဲ့ အလှူရှင် စာရင်းကို ကြည့်ပြီး ကိုယ့်နာမည် မပါသေးရင် ကျွန်တော်တို့ကို အမြန်ဆုံး ဆက်သွယ်စေလိုပါတယ်။ နောက်ဆုံး ကောက်ခံရရှိတဲ့ အလှူငွေ စုစုပေါင်းက ၂၉၇၀၅၂၅၀ ကျပ် ဖြစ်ပါတယ်။ http://myanmargidai.wordpress.com ကလည်း နောက်ထပ် သိန်းသုံးဆယ်ကျော် လှူဒါန်းမယ်လို့ သိရပါတယ်။

Monday, June 23, 2008

To RFA

ညနေက ကျွန်တော့်ရဲ့ မိတ်ဆွေတစ်ယောက်မှ ပြောလာပါတယ်။ မင်းတို့ လေဘေးသင့်တဲ့သူတွေကို အိမ်တွေပြန်ဆောက်ပေးနေတဲ့အကြောင်းကို RFA က ပြောသွားတယ်တဲ့။ မင်းတို့ကို ဦးဆောင်လုပ်နေတဲ့ ကိုညီလင်းဆက်ဆိုတဲ့ ကွန်ပျူတာသမားက မန်နေဂျာရာထူးကတောင်ထွက်ပြီး လုပ်နေတယ်။ ရံပုံငွေ ဒေါ်လာသောင်းချီပြီးရနေတော့ အတားအဆီး၊ အနှောက်အယှက်မခံရပဲနဲ့ ဆက်လုပ်လို့ရနေတယ်ဆိုပြီး ပြောသွားတယ်တဲ့။ အဲဒီအကြောင်းကို ကျွန်တော်တို့ အားလုံးသိသွားတာနဲ့ တော်တော် ဒေါသထွက်သွားပါတယ်။ ဒီမီဒီယာတွေနဲ့ ပတ်သတ်လို့ အရင်တုန်းကလည်း ကျွန်တော် တော်တော်ပြောခဲ့ဖူးပါတယ်။ ဘေးကနေတီးပေးမနေကြပါနဲ့လို့။ ခင်ဗျားတို့ မိုင်ပေါင်းများစွာဝေးတဲ့နေရာက မဆင်မခြင် ဒါမှမဟုတ် ရည်ရွယ်ချက် ရှိရှိပြောလိုက်တဲ့ စကားတွေက စိတ်သန့်သန့်နဲ့ လုပ်နေကြတဲ့သူတွေအတွက် ဘယ်လောက်အထိ ထိခိုက်ခံစားသွားရနိုင်သလဲဆိုတာ သတင်းသမားတစ်ယောက်အနေနဲ့ သိသင့်ပါတယ်။ ဒါမျိုးက သတင်းသမားမှမဟုတ်ပါဘူး။ လူတစ်ယောက်ရဲ့ အခြေခံ အသိစိတ်ဓါတ်လောက်ရှိရင်တောင် ပြောသင့် မပြောသင့် သိပါတယ်။ ခင်ဗျားတို့ အဲဒီလို ပြောလိုက်တာ သတင်းဟုတ်ပါသလား။ ဘယ်သူတွေများ အကျိုးထူးရသွားမလဲ။ ကျွန်တော်တို့အားလုံးဟာ လူအချင်းချင်း တတ်နိုင်သလောက် ၀ိုင်းကူနေကြတာပါ။ ခင်ဗျားတို့လို အဝေးကြီးကနေ ခံစားခွင့်တွေ တစ်ပုံကြီးနဲ့ လေကိုရင်းပြီး လုပ်စားနေကြတဲ့သူတွေ တစ်ယောက်မှ မပါပါဘူး။ ကျွန်တော်တို့ စိတ်ထဲမှာ ရှိနေတာက ကျွန်တော်တို့လက်ထဲ ရောက်လာသမျှသော ရံပုံငွေမှန်သမျှကို လေဘေးရော၊ ရေဘေးပါ တကယ်ခံခဲ့ရတဲ့သူတွေဆီကို အကျိုးရှိရှိရောက်သွားဖို့ပါ။

ခင်ဗျားတို့ ထင်ထားတာက ဒေါ်လာ သောင်းဂဏန်းလောက်က ကျွန်တော်တို့ရှေ့ကို ဒုန်းဆိုရောက်လာ၊ ကျုပ်တို့က အဲဒီပိုက်ဆံတွေကို ၀ယ်စရာရှိတာ အလွယ်တကူဝယ်ပြီး ကားကြီးနဲ့ ငြိမ့်ငြိမ့်လေး လပွတ္တာကိုရောက်၊ ဟိုဟိုဒီဒီ လှူစရာရှိတာတွေ လှူပြီး ပြန်လာကြ ဒီလိုများ ထင်နေကြသလား။ အဆင့်တိုင်း အဆင့်တိုင်းမှာ ဆက်လုပ်ချင်စိတ်ကုန်လောက်တဲ့အထိ အခက်အခဲတွေ အများကြီးပါ။ ကျွန်တော်တို့မှာ ရုပ်ပိုင်းဆိုင်ရာရော၊ စိတ်ပိုင်းဆိုင်ရာရော ထိခိုက်မှုတွေ အများကြီးရှိပါတယ်။ ဒါတွေကို ဘယ်သူမှ ကျွန်တော်တို့လောက် မသိပါဘူး။ ဒီကောင်တွေ ဘာကြောင့်အတားအဆီး မခံရတာလဲဆိုတာလောက်ပဲ ခင်ဗျားတို့ စဉ်းစားတတ်သလား။ ငါတို့ ပြောလိုက်လို့ ဒီကောင်တွေ ဒုက္ခရောက်သွားရင် ငါတို့ ဖွစရာ သတင်းရမယ်ဆိုတာလောက်ပဲ တွေးသလား။ နည်းနည်းငြိမ်သွားရင် မပွ ပွအောင် ထပြီး ဖွ၊ ခံစရာရှိတော့ တကယ်လုပ်နေရတဲ့ကောင်တွေခံ၊ အဲဒီအချိန်ကျမှ ခင်ဗျားတို့ လျှာတွေယားနေအောင် ပြောချင်နေတဲ့ အကြောင်းတွေကို အတုံးလိုက် အတစ်လိုက် ၀ိုင်းပြောကြ။ အဲဒီအချိန်မှာ လေဘေးရေဘေးခံခဲ့ရသူတွေအတွက်လည်း ထိခိုက်နစ်နာမှုအများကြီး ရှိသွားမှာပဲဆိုတာ တွေးမိသလား။ လက်ရှိပြန်လည်ထူထောင်ရေးနဲ့ လှူဒါန်းကူညီနေတဲ့သူတွေက စီးပွားရေး၊ ကျန်းမာရေး၊ လူမှုရေး အားလုံးကို အထိခိုက်ခံပြီး လုပ်နေရတဲ့အထဲ ဘယ်သူတော့ ဘယ်လို ဖြစ်သွားပြီဆိုပြီး ကြားရရင် ဒီအလုပ်ကို လုပ်နေတဲ့ လူ ၁၀၀ မှာ ၉၀ လောက်က ဆက်မလုပ်တော့ဘူးဆိုရင် ဘယ်သူတွေ အကျိုးယုတ်မလဲ။

ဘယ်သူမှ မတားလဲ ကျွန်တော်တို့မှာ Fund မရှိသလောက် နည်းနေပြီ ဖြစ်တဲ့အတွက် ဒီအလုပ်တွေ ဆက်လုပ်ဖြစ်မယ် မထင်တော့ပါဘူး။ အခုလောလောဆယ် ကိုညီလင်းဆက်တို့ ဆိပ်ကလေးကုန်းရွာမှာ အိမ်အလုံး ၂၀ နဲ့ ကွင်းသုံးဆင့် ရွာမှာ အိမ် အလုံး ၂၀ ဆောက်ပေးနေကြပါတယ်။ ဒီရွာတွေမှာတော့ အိမ်တိုင်တွေက အစ ပံ့ပိုးပေးတဲ့အတွက် ကုန်ကျစရိတ်တွေလည်း ပိုပြီးကုန်ကျလာပါတယ်။ ကျွန်တော်တို့မှာ Fund လည်း မရှိ၊ ဆက်လက်လုပ်ဆောင်ဖို့အတွက် အခြေအနေလည်း မပေးတော့ဘူးဆိုရင်တော့ ဘယ်လောက်ပဲ လုပ်ချင်စိတ်ရှိရှိ ဆက်လုပ်နိုင်မှာ မဟုတ်တော့ပါဘူး။

Sunday, June 1, 2008

Donation and Resettlement Update

ကိုညီလင်းဆက်တို့အဖွဲ့ ကုက္ကိုရွာမှာ ဘတ်ဂျတ်အိမ် ၃၆ လုံး ပြန်လည်တည်ဆောက်နေပါပြီ။ မနေ့က စတင်ပြီး (၃)ရက်ခန့်အတွင်း အပြီး တည်ဆောက်မှာဖြစ်ပါတယ်။ ဧရာဝတီတိုင်းတစ်ခုလုံးအနေနဲ့ ပထမဆုံးနဲ့ အမြန်ဆုံး ပြန်လည်တည်ထောင်နိုင်တဲ့ရွာဖြစ်လာပါလိမ့်မယ်လို့ ကိုညီလင်းဆက်က ပြောပြပါတယ်။ နာဂစ်မုန်တိုင်းအတွင်း ကွယ်လွန်သူများကို ရည်စူးပြီး ဆွမ်းသွတ်လှူဒါန်းမှုများကိုလည်း ကိစ္စအ၀၀ပြီးစီးသည်အထိ ကိုညီလင်းဆက်နဲ့ အဖွဲ့မှ တာဝန်ယူပြီး လုပ်ဆောင်ပေးနေပါတယ်။ ဒီနေ့ညနေ ၇ နာရီမှာ ကျွန်တော် မျက်လုံးနှင့် Volunteer များ လပွတ္တာကို သွားပါမယ်။ သွားရောက်မယ့် Volunteer စာရင်းကိုတော့ အခုချိန်ထိ ဆက်သွယ်ဆဲ ဖြစ်တဲ့အတွက် အတိအကျ မပြောပြနိုင်သေးပါဘူး။ Volunteer များအတွက် ခရီးစရိတ်နဲ့ ကျွန်တော်တို့အဖွဲ့ လိုအပ်တဲ့နေရာမှာ သုံးနိုင်အောင် အချိန်မှီ ပေးပို့လှူဒါန်းခဲ့တဲ့ စေတနာရှင်များကို အထူးပဲ ကျေးဇူးတင်ရှိပါတယ်ခင်ဗျာ။

တစ်ဆက်တည်း ပြောလိုတာလေးတစ်ခုက ကျွန်တော်တို့ တွေ့ကြုံနေရတဲ့ အဆင်မပြေမှု၊ နှောင့်နှေးကြန့်ကြာမှု၊ ဆက်သွယ်ရေး ခက်ခဲမှု၊ လှူဒါန်းမှုနဲ့ ပြန်လည် တည်ထောင်မှုမှတ်တမ်းများကို အချိန်နဲ့ တပြေးညီ မတင်ပြနိုင်မှုတွေ အပါအ၀င် အခြေအနေမျိုးစုံကို နားလည် ခွင့်လွှတ်ပေးကြတဲ့ စေတနာရှင်များကို ကျေးဇူးတင်လေးစားမိပါတယ်ခင်ဗျာ။ ကျွန်တော်တို့ အားလုံးက လိုအပ်တဲ့နေရာကို လိုအပ်တာတွေ ရောက်ဖို့အတွက် လုပ်နေရတဲ့အတွက် မိမိကိုယ်ရေးကိုယ်တာနဲ့ အခြားသော လူမှုတာဝန်များကို လစ်ဟင်းတာ များပါတယ်။ ဒီအပြင် ကျန်းမာရေးကိုပါ ထိခိုက်လာတာမျိုး ကြုံတွေ့ရပါတယ်။ ကျွန်တော်တို့အဖွဲ့သားထဲမှ ကိုမင်းရဲကျော်ဆိုရင် ရန်ကုန်မြို့အနှံ့ လိုအပ်တဲ့ပစ္စည်းမျိုးစုံကို အလေအလွင့်နည်းနည်း ပစ္စည်းမှန် ဈေးမှန်ရအောင် စုံစမ်းမေးမြန်းပြီး လိုက်ဝယ်ရပါတယ်။ အဲဒီလိုဝယ်ရင်းမနေ့က ဆိုရင် ဘတ်စ်ကားပေါ်မှာ မူးတောင်လဲပါတယ်။ မိမိရဲ့ ကိုယ်ရေးကိုယ်တာကိစ္စ၊ လူမှုရေးကိစ္စ၊ မိသားစုတာဝန်၊ အသက်မွေးဝမ်းကျောင်းတာဝန်တွေနဲ့ လှူဒါန်းကူညီရေးအတွက် ဆက်သွယ်ရေး၊ ငွေစာရင်းပြုစုရေး၊ ခရီးသွားဖို့ စီစဉ်ခြင်း၊ စုံစမ်းမေးမြန်းဝယ်ယူခြင်း၊ ပစ္စည်းသယ်ယူပို့ဆောင်ခြင်း စတဲ့ ကိစ္စပေါင်းများစွာကို ခေါင်းထဲမှာ ထည့်ထားရပြီးတော့ လုပ်ရတဲ့အတွက် ဖိစီးမှုများစွာရှိတဲ့အပြင် စားသုတ်သုတ်၊ သွားသုတ်သုတ်၊ လာသုတ်သုတ် သုတ်သုံးကျမ်းကျေအောင် လုပ်ရတဲ့အတွက် ထမင်းကိုတောင် အချိန်မှန် မစားနိုင်ပဲနဲ့ ဘတ်စ်ကားပေါ်မှာ မူးလဲပြီး ဆေးခန်းသွားလိုက်ရပါတယ်။ လပွတ္တာမြို့နယ်မှတစ်ဆင့် ကျေးရွာများကို ဆင်းပြီး ကူညီလှူဒါန်းရေးနဲ့ ပြန်လည်တည်ထောင်ရေးတွေ လုပ်ကိုင်ရတဲ့အခါမှာလည်း မိုးကြီးလေကြီးထဲ လှိုင်းမကြောက် လေမကြောက် သွားလာလုပ်ကိုင်ကြပါတယ်။ စက်လှေတွေဆိုတာက အကောင်းအတိုင်းကျန်ခဲ့တာ ရှားတဲ့အတွက် သွားရေးလာရေး တော်တော် ခက်ခဲပါတယ်။ မိုးချုပ်တော့မှ လပွတ္တာကို ပြန်ရင်း စက်လှေစက်ပျက်လို့ မှောင်ကြီး မဲကြီးထဲမှာ ကျောက်ချပြီး ပြင်ရဆင်ရတာတွေလည်း ရှိပါတယ်။ အိမ်ဝိုင်းဆောက်၊ ပစ္စည်းသယ်၊ မနက်စာ ညစာ ပေါင်းပြီး အလောင်းတွေကို ဘေးနားထားပြီး စားကြ၊ ရေတက်ရေကျချိန်မှာ အချိန်မှီသွားနိုင်အောင် လုပ်ရတဲ့အတွက် လူပင်ပန်းမှုကတော့ ရှိပါတယ်။ ဒါပေမယ့် လူပင်ပန်းမှုထက်ပိုပြီး ခံရခက်တာကတော့ စိတ်ထဲမှာ ပြောမပြတတ်တဲ့ ဖိစီးမှုကြီးတစ်ခုပါ။ ကျွန်တော်တို့ အားလုံးမှာ တူညီတာက အမြန်ဆုံးနဲ့ အထိရောက်ဆုံး ကူညီမှုပေးနိုင်ဖို့ပါ။ ဒါပေမယ့် အခက်အခဲတွေကြောင့် ကြန့်ကြာမှု နည်းနည်းရှိရင်တောင် စိတ်ထဲမှာ အားမလိုအားမရဖြစ်မိကြပါတယ်။ ပထမဆုံး ဘတ်ဂျတ်အိမ် စဆောက်တုန်းကဆိုရင် မြန်မြန်ပြီးချင်လို့ အိမ်တိုင်ထောင်တဲ့ ကျင်းတွေ ၀ိုင်းတူးပေးကြ၊ လွှဆွဲစရာရှိ ၀ိုင်းဆွဲကြ လုပ်ကြပါတယ်။ ကျွန်တော်တို့ စိတ်ထဲမှာ အဲဒါတွေကို အများကြီး ပြောပြချင်ပါတယ်။ ဒါပေမယ့် ဘယ်က ဘယ်လို စပြောရမှန်း မသိအောင်ကို စိတ်ထဲမှာ ပြည့်ကျပ်နေတဲ့အတွက် ကျွန်တော်တင်တဲ့ ပို့စ်တွေဆိုရင် လိုတိုရှင်း တုံးတိကြီးတွေ ဖြစ်နေပါလိမ့်မယ်။ အကျိုးအကြောင်းကို သိချင်သူများအနေနဲ့ အခြေအနေကို ပြည့်ပြည့်စုံစုံ သိချင်ကြမှာပဲဆိုတာကိုလည်း နားလည်မိပါတယ်။ အဲဒီအတွက် လပွတ္တာမြို့နယ် ကျေးရွာများမှာ လှူဒါန်းပြီးစီးမှုများ၊ လက်ရှိ လုပ်ဆောင်နေမှုများ၊ ဆက်လက်လုပ်ဆောင်ရန် လျာထားမှုများကို အောက်မှာ ကြည့်ရှုနိုင်အောင် တင်ပေးလိုက်ပါတယ်ခင်ဗျာ။


လှူဒါန်းပြီးစီးမှု

ပြင်ကနုကုန်းရွာ
-ဘတ်ဂျတ်အိမ် (၅) လုံး တည်ဆောက်ခြင်း
-လူဦးရေ (၅၀) အတွက် အ၀တ်အထည်၊ အိမ်ထောင်ပစ္စည်းများ(ဒန်အိုး၊ ပန်းကန်နှင့် စားအုန်းဆီ စသည်) လှူဒါန်းခြင်း

ကညင်ကုန်းရွာ
-လူဦးရေ (၄၅၀) အတွက် အ၀တ်အထည်၊ အိမ်ထောင်ပစ္စည်းများ(ဒန်အိုး၊ ပန်းကန်နှင့် စားအုန်းဆီ စသည်) လှူဒါန်းခြင်း

ကုက္ကိုရွာ
-လူဦးရေ (၁၀၀၀) အတွက် အိမ်ထောင်ပစ္စည်းများ(ဒန်အိုး၊ ပန်းကန်နှင့် စားအုန်းဆီ စသည်) လှူဒါန်းခြင်း

လက်ရှိလုပ်ဆောင်နေမှုများ

ကုက္ကိုရွာ
-ဘတ်ဂျတ်အိမ် (၃၆) လုံး တည်ဆောက်ခြင်း

ကညင်သဇင်ရွာ
-ဘတ်ဂျတ်အိမ် (၃၁) လုံး တည်ဆောက်ခြင်း

ပြင်ကနုဝရွာ
-ဘတ်ဂျတ်အိမ် (5) လုံး တည်ဆောက်ခြင်း

ကန့်ဘလာရွာ
-ဘတ်ဂျတ်အိမ် (5) လုံး တည်ဆောက်ခြင်း

ဆက်လက်လုပ်ဆောင်ရန် လျာထားချက်များ

-ရခိုင်ကုန်း
-သိုင်းချောင်း
-ကညင်တစ်ပင် ရွာများတွင် ဘတ်ဂျတ်အိမ်များ တည်ဆောက်ခြင်း

လုပ်ဆောင်မှု သတင်းတွေကို အတတ်နိုင်ဆုံး တင်နိုင်အောင် ကြိုးစားပေးသွားပါမယ်။