Monday, March 17, 2014

Beauty or the Beast ?



လှတာ မမက်ရင် ညစာခက်မယ်



ဒီစကားပုံကို တော်တော်များများ ကြားဖူးပြီးသား ဖြစ်မှာပါ။ သူ့ဆိုလိုရင်းက ဘယ်လိုလဲ? အလှအပကို မက်မောလွန်းပြီး အပေါ်ယံအပြင်အဆင်၊ အလှအပပစ္စည်းတွေအတွက် သုံးတာများလွန်းရင် ညစာစားဖို့ ခက်လိမ့်မယ်လို့ ဆိုလိုချင်တာ ထင်ပါတယ်။

ဒီစကားပုံလေးကို ဓာတ်ပုံသတင်းထောက်တွေနဲ့ နှိုင်းယှဉ်စဉ်းစားကြည့်ရင် ဘယ်လိုနေမလဲဗျာ။

နိုင်ငံတကာမှာ ထင်ရှားတဲ့ သတင်းဓာတ်ပုံတွေထဲက အခုချိန်ထိ ပြောဆို ငြင်းခုံဆွေးနွေးနေရဆဲ သတင်းဓာတ်ပုံတွေကို ပြန်ကြည့်ကြရအောင်။ လှတပတပုံတွေ တွေ့ရမလား။ ဒါမှမဟုတ် လူတွေရဲ့ အခြေခံရပိုင်ခွင့်တွေဖြစ်တဲ့ ကျန်းမာရေး၊ လူမှုရေး၊ စီးပွားရေးတွေ မျှတဖူလုံစွာ ခံစားခွင့်မရှိတာတွေကို ဦးစားပေးရိုက်ကူးခဲ့တာ တွေ့ရမယ်ထင်ပါတယ်။

ဝါဒဖြန့်တဲ့အနေနဲ့ အားလုံးကောင်းပါသည်ခင်ဗျားလို့ ထင်မြင်အောင် ရိုက်ကူးခဲ့တာတွေလည်း ရှိမှာပါ။ ဒါပေမယ့် အဲဒီလိုရိုက်ကူးခဲ့တာတွေရဲ့ အရေးပါထိရောက်မှုကို ပြန်သုံးသပ်ကြည့်ဖို့ လိုပါလိမ့်မယ်။

တခါတရံမှာ ကြုံတွေ့ရလေ့ရှိတဲ့ အဖြစ်အပျက်မျိုးတွေ ပြောပြချင်ပါတယ်။ “ခင်ဗျားတို့ ဓာတ်ပုံသတင်းထောက်တွေဟာ မကောင်းတာပဲ ရှာကြံရိုက်လေ့ ရှိတယ်။ ကောင်းတာတွေ၊ အလှအပတွေကို ဘာလို့ မရိုက်တာလဲ” ဒီလို ဝေဖန် မေးမြန်းမှုတွေ မကြာခဏ တွေ့ရလေ့ရှိပါတယ်။

ကမ္ဘာ့နေရာ အနှံ့အပြားမှာ ကြုံတွေ့နေရတာတွေက အဆိုးရော အကောင်းပါ ရောပြွန်းနေပါတယ်။ ကျန်းမာရေးကဏ္ဍကို ဥပမာ ကြည့်ရအောင်။ နိုင်ငံအနှံ့အပြား AIDS ရောဂါခံစားနေရသူတွေ အများအပြားရှိနေကြပါတယ်။ ဒီရောဂါကို လုံးဝပျောက်ကင်းတဲ့အထိ မကုသနိုင်ကြသေးဘူး။ အဲဒီတော့ ဒီရောဂါဝေဒနာရှင်တွေကို စာနာနားလည်နိုင်အောင်၊ ထိရောက်တဲ့ ပြုစုစောင့်ရှောက်မှု မရသေးသူတွေကို လူတွေ အာရုံစိုက်မိလာအောင် သတင်းဓာတ်ပုံတွေ ရိုက်ကူးပြသတာမျိုး မလုပ်သင့်ဘူးလား။ ရောဂါဝေဒနာရှင်တွေကို မကြောက်မရွံ့ ကုသပြုစုနေသူတွေကိုရော မှတ်တမ်းတင် ရိုက်ကူးပြသတာမျိုး မလုပ်သင့်ဘူးလား။ လှတာမက်တဲ့သူတွေအတွက်တော့ ဒါတွေက အနိဌာရုံတွေလို့ ပြောကြမှာပါ။

မြန်မာနိုင်ငံမှာ ပုဂံရှေးဟောင်းယဉ်ကျေးမှုနယ်မြေဆိုတာ မြန်မာရော ကမ္ဘာနေရာအနှံ့အပြားက ဓာတ်ပုံဆရာတွေ စိတ်ဝင်တစား ဓာတ်ပုံလာရောက် ရိုက်ကူးကြတဲ့ နယ်မြေဖြစ်ပါတယ်။ လှတာမက်တဲ့ ဓာတ်ပုံဆရာတွေ အကြိုက်ပေါ့။ ဒါပေမယ့် သိပ်ကို ၀မ်းနည်းစရာကောင်းတဲ့ အဖြစ်အပျက်တွေ ရှိနေပါတယ်။ ပုဂံရှေးဟောင်းဘုရားတွေရဲ့ နံရံဆေးရေးတွေကို ထုံးသုတ်ခံလိုက်ရတာတွေ၊ ရှေးဟောင်းဘုရားတွေကို စနစ်တကျထိန်းသိမ်းပြုပြင်ရမယ့်အစား ခေတ်ပေါ်လက်ရာတွေနဲ့ အစားထိုးခံလိုက်ရတာတွေ လက်ရှိအချိန်ထိ လုပ်နေကြဆဲပါ။ နောင်တချိန်မှာ လှတာလေးတွေ မက်လို့ ဓာတ်ပုံရိုက်ချင်ရင်တောင်မှ ရှေးဟောင်းယဉ်ကျေးမှု၊ ပုဂံခေတ်လက်ရာ၊ ဆိုတဲ့ စကားလုံးတွေကို ချန်ခဲ့ပြီးတော့ ဒီနေ့ခေတ်အစားထိုးထားတဲ့ လက်ရာတွေကိုပဲ ရိုက်ကူးနိုင်တော့မှာပါ။ ဒီလို မလျော်မကန် ပြုပြင်နေတာတွေကို လှတာမက်သူတွေ အဓိက ဆန့်ကျင်သင့်တာ မဟုတ်ဘူးလား။

ကမ္ဘာရဲ့ ဘယ်နေရာမှာပဲ ကြည့်လိုက် ကြည့်လိုက် အဆင်ပြေချောမွေ့နေတာတွေ၊ ကျန်းမာ ချမ်းသာနေသူတွေဟာ လူနည်းစုပဲ ဖြစ်ပါတယ်။ လူအများစုကြီးကတော့ ဆင်းရဲမွဲတေမှုနဲ့ လုံးချာလည် လိုက်နေကြဆဲပါပဲ။ ကျန်းမာရေး မပြည့်စုံမှုတွေနဲ့ လုံးထွေးနေရဆဲပါပဲ။ ဖိနှိပ်ချုပ်ချယ်မှုတွေနဲ့ ရင်ဆိုင်နေရဆဲပါပဲ။

သတင်းဓာတ်ပုံရိုက်ကူးသူ အချို့ဟာလည်း အချိုကြိုက်ကြတဲ့အတွက် လှတာမက်ပြီး သူ့ထက်ငါ လှတာလေးတွေ ရွေးရိုက်နေကြဆဲပါပဲ။ ဒါပေမယ့် သူတို့ အဆင်ပြေကြပါတယ်။ ညစာ မခက်ကြပါဘူး။ အချိုကြိုက်တဲ့သူတွေအတွက် ဓာတ်ပုံချိုချိုလေးတွေက ညစာချိုချိုလေးတွေ ဖန်တီးပေးနိုင်ကြပါတယ်။

လူစဉ်မမီတဲ့ လူအများစုကြီးရဲ့ အခြေအနေတွေကို မြင်တွေ့နေရတဲ့ ဒီလို အခြေအနေတွေမှာ လှတာလေးတွေပဲ ရွေးရိုက်ပေးပါလို့ တောင်းဆိုလာခဲ့ရင် ကျွန်တော် လှတာမမက်ပါဘူးခင်ဗျာလို့ပဲ ဖြေပါရစေ။ အဲဒီအတွက် ညစာကတော့ လွယ်ချင်မှ လွယ်မှာပေါ့ဗျာ။

အစစ အရာရာ အဆင်ပြေကြပါစေဗျာ။

သက်ထူး

Saturday, July 7, 2012

အတွေးအမြင် ဝယ်ခဲ့တယ်

06 July 2012

လောကနတ်မှာ ပြနေတဲ့ Thai Artist Narongyot Thongyoo ရဲ့ Portraits Exhibition ကို ကိုမိုးလှိုင်ညနဲ့ သွားကြည့်ဖြစ်တယ်။ ပြီးတော့ စာအုပ်အဟောင်းတန်းလေးမှာ ကြိုက်တာယူ ၂၀၀ ဆိုင်လေးက ၁၉၈၆ ခုနှစ်၊ မတ်လထုတ် အတွေးအမြင်စာစဉ် (၁၂) ဝယ်ခဲ့ပါတယ်။ စာအုပ်အဟောင်းရောင်းတဲ့ ဦးလေးကြီးက ၂၀၀ နဲ့တော့ တန်ပါတယ်ကွာတဲ့။ ကျွန်တော့်ပုံစံက ၂၀၀ တန်စာအုပ်တောင် ချင့်ချိန်နေတဲ့ပုံ ပေါက်နေပြီ ထင်ပါတယ်။


ဒီအတွေးအမြင် စာစဉ်လေးရဲ့ အတွင်းပထမဆုံး စာမျက်နှာမှာ မျိုးရိုးဗီဇနှင့် အတွေးအမြင်၊ မောင်ဝံသနှင့် ကြည်သာဦး စီစဉ်သည်လို့ ရေးထားပါတယ်။ မျိုးရိုးဗီဇနဲ့ ပတ်သတ်လို့ "ရာဇဝတ်မှုနှင့် မျိုးရိုးဗီဇ" ဆိုပြီး အထူးဆောင်းပါးတစ်ပုဒ်ပါကြောင်း အယ်ဒီတာစကားလိုမျိုး ရှေ့ဆုံး စာမျက်နှာမှာ ပြောထားပါတယ်။ ဒီစာစဉ်လေးထဲက ဖတ်စရာတွေကို တစ်မျက်နှာချင်း လိုက်မြည်းကြည့်တော့ ပြန်ပြီး မျှချင်လာတာနဲ့ တစ်ချို့ဆောင်းပါးနဲ့ စာမြည်းလေးတွေကို ပြန်တင်ပေးလိုက်ပါတယ်။ အမြည်းပေးပြီး နှိပ်စက်တာပေါ့ဗျာ။ ဖတ်ချင်စိတ်တွေ တစ်ဖွားဖွားဖြစ်လာစေရမယ်။ ဖတ်ချင်ရင် scanner ဝယ်ပေးနိုင်ပါကြောင်း။ :D

၁။ ဇော်ဂျီ "သူတို့ညီနောင် နှင့် ကျွန်တော်"

စာမြည်း။ ။ ကံရာဇာကြီးသည် စိတ်ကူးယဉ် မဏ္ဍပ်၊ ဖြစ်ကတတ်ဆန်း မဏ္ဍပ်၊ ရုပ်ပြမဏ္ဍကို အဘယ်ကြောင့် ကန့်ကွက်ခြင်း မပြပဲ နေပါသနည်း။ ကိုရွှေဝန်တို့သည် ထိုမဏ္ဍပ်ကို အဘယ်ကြောင့် ပယ်ချခြင်း မပြုပဲ နေကြပါသနည်း။
ဒီဆောင်းပါးဟာ အရင်က(မြဝတီမဂ္ဂဇင်း ၁၉၅၇ ဧပြီလထုတ်မှ) လို့ စာမျက်နှာအောက်ခြေမှာ ပါပါတယ်။

၂။ ဇေယျ "တကောင်း ပြဿနာ"

စာမြည်း။ ။ ကိုယ့်မျိုးရိုး ကိုယ့်ဇာတိ၊ ကိုယ့်မူလအစကို အမှန်အတိုင်း အတည်တကျ သိရှိထားရန် အရေးကြီးလေသည်။
စီစဉ်သူ မှတ်ချက်။ ။ ဆရာဇေယျ၏ 'မှတ်တမ်းဝင် ဗမာ့ အရေးအခင်းများ' စာအုပ် (စာ ၁၃-၂၇)။ ချိုးဖြူစာပေထုတ်။ ပုံနှိပ် ခုနှစ်မပါ။ ၁၉၆၆ ခုနှစ်ခန့် ဟု ခန့်မှန်းရပါသည်။

၃။ ဦးသော်ဇင် "အမှန်ကြောင့် ရေဆန်ခြင်း"

စာမြည်း။ ။ ဗန္ဓုမတီ စာပေမျိုး ထင်ရှားခြင်းသည် သစ္စာဆိုသော အမှန်စကား ပြောကြားခြင်းကို လိုလားသော အမှတ်လက္ခဏာ ဖြစ်၏။

၎။ ဒဂုန်ဦးစန်းငွေ ။ ။ ဓမ္မနီတိသံခိပ်

စာမြည်း။ ။ မိမိဘဝကို ကျက်သရေ ရှိအောင် ထူထောင်သူမှာ မိမိပင် ဖြစ်၏။ ထို့အတူပင် ကျက်သရေ မှေးမှိန်အောင် ဂုဏ်သိန် ကျဆင်းအောင် ပြုသူမှာလည်း အခြားသူမဟုတ်။ မိမိသာ ဖြစ်၏။

၅။ ဒေါက်တာ လှဘေ "ဦးချိန်၏ မော်ကွန်းသဒ္ဒါ ဗျုပ္ပတ် အဓိပ္ပါယ်နှင့် ကျွန်တော့် အတွေ့အမြင် အတွေးအမြင်"

စာမြည်း။ ။ မော်ကွန်းသဒ္ဒါ အဖွင့်တို့၌ မျိုးဆက်မရှိပါ။ မရှိဆို ဖွင့်ဆိုသူမှာ ဇာစ်မြစ်မသိပဲ အတ္တနောမတိ ဉာဏ်ဖြင့် ပြုလိုက်သောကြောင့် အမျိုိးဆက်စပ် မရပါ။

၆။ ဆန်းထွန်း (မန်းတက္ကသိုလ်) "ရှည်လည်း မရှည်နှင့် တိုးလည်း မတိုနှင့်"

စာမြည်း။ ။ ချို့တဲ့မှုကပင် ဆရာကြီး တဆူအလား သူ့အား သင်ကြားပြသနေပေ၏။ ချို့တဲ့မှုသည် သူ့အား လိမ္မာအောင် ဆုံးမနေ၏။ ယဉ်ကျေးအောင် ဆုံးမနေ၏"


စာမြည်း။ ။ သူတို့၏ အရေးအသားများသည် စာဖတ်သူ များစွာတို့အား ဂရုထား၍ တွေးခေါ် ဝေဖန်မှုကို ပြုစေသည်။ စာဖတ်သူတို့၏ အတွေးကို နှိုးဆော်ပေးကြပေသည်။

၇။ လူထုဒေါ်အမာ "သတင်း သတင်း သတင်းဆိုတာ"

စာမြည်း။ ။ ပူလစ်ဇာဆုဆိုတာမျိုး ရတယ်ဆိုပေမယ့် ပြည်သူကို အကျိုးမပြုယင် အလကားပါလားဆိုတာကို တချို့သော သတင်းစာဆရာတွေက သိလာကြပြီ ထင်ပါရဲ့"

၈။ ဝင်းတင် "ပဉ္စမ မဏ္ဍိုင်"

စာမြည်း။ ။ စတုတ္ထ မဏ္ဍိုင်ကြီးများက အတွေးအမြင် တစုံတရာ ပေးနိုင်စွမ်း မရှိသောအခါ စတုတ္ထမဏ္ဍိုင်နေရာတွင် မဏ္ဍိုင်သစ်များ စိုက်ထူလာကြသည်။

၉။ မောင်ဝံသ "လောဘမရှိသော လူမျိုး"

စာမြည်း။ ။ တာဆာဒေးတွေကို ကျွန်တော်တို့က လူရိုင်းတွေလို့ ခေါ်မလား။ သူတို့ကို လူရိုင်းတွေလို့ ခေါ်ယင် ယဉ်ကျေးတယ်ဆိုတာ ဘာကို ခေါ်ပါသလဲ"

(Post ခေါင်းစဉ်ကို အတွေးအမြင်ကို ဝယ်ခဲ့တယ်လို့ ပေးဖြစ်တာ စိတ်ထဲ ဖြတ်ခနဲပေါ်လာတဲ့ အတိုင်းပေးလိုက်တာပဲ။ အခု publish လုပ်ခါနီး ပြန်စဉ်းစားတော့ ဆရာမောင်ဝံသရဲ့ ဝေါမြို့က လာခဲ့တယ်ဆိုတာကိုများ မသိစိတ်ကမှတ်ထားပြီး ပေးမိသလားလို့ ရှည်ရှည်ဝေးဝေးတွေ တွေးနေမိတယ်။)

အစစ အရာအရာ အဆင်ပြေကြပါစေဗျာ။

 

Monday, January 16, 2012

ပြည် အောင်လံ သရက်

၁၃ရက် ၊သောကြာ ညနေ ၇ နာရီခန့်။

သရက်ကို သွားပြီး ကိုမင်းကိုနိုင်လွတ်မြောက်တဲ့ သတင်း သွားယူနိုင်မလားတဲ့။ ဟုတ်ကဲ့ အခုသွားလိုက်ပါမယ်ဆိုပြီး ကင်မရာအိတ်ထဲကို ပစ္စည်းတွေ စစ်ပြီး ထည့်။ အောင်မင်္ဂလာ အဝေးပြေးကို တက္ကစီနဲ့ ပြေးပါတယ်။ တက္ကစီမောင်းတဲ့သူက ကားတွေ ၁၀ နာရီလောက် အထိ ရှိပါတယ်တဲ့။ သူ့အသိ အဝေးပြေးက တစ်ယောက်ကို ကျွန်တော် ဖုန်းဆက်မေးကြည့်တော့ ၈ နာရီဆို မရှိတော့ဘူးတဲ့။ တက္ကစီမောင်းတဲ့သူက သူလိုက်ပို့ရမလားတဲ့ တစ်ရက်ကို ပုံမှန် ၄ သောင်းခွဲယူတာ။ အကို့ကို ၄ သောင်းပဲ ယူပါ့မယ်တဲ့။ ဒီနေ့က တစ်နေကုန်လည်း မယူထားဘူး။ ညဘက်မှ စယူတာဆိုတော့ မနက်ဖြန် ပြန်လာမယ်ဆိုရင် ၇ သောင်းပဲ ယူပါ့မယ်တဲ့။ ဒါပေမယ့် သေချာအောင် အဝေးပြေးကို အရင်သွားဖြစ်ပါတယ်။

အဝေးပြေးကိုရောက်တော့ ပြည်ကားတွေ တစ်စီးမှ မရှိတော့ပါ။ ချောက်မြို့ဘက်ကို သွားတဲ့ကားကို မေးကြည့်တော့လည်း ပြည်လမ်းက မသွားပါတဲ့။ အဲဒါနဲ့ ကားငှားပြီး သွားရမလို ဖြစ်နေတုန်း ပြည်ကား တစ်စီး ရှိတယ်ဆိုလို့ အမြန်ပြေးပါတယ်။ ကားခ ၄၅၀၀၊ ကားရှာပေးတဲ့သူကို လဘက်ရည်ဖိုး ၅၀၀။ ပြည်ကားပေါ်ရောက်ပြီဆိုမှ စိတ်နည်းနည်း အေးရပါတယ်။ အဲဒီအချိန်မှ အချိန်က ည ၉ နာရီ ရှိပါပြီ။

လက်ပံတန်း စားသောက်ဆိုင်မှာ နားတော့ တခြားကားနဲ့ လိုက်လာတဲ့ ကိုသူရမျိုးတို့နဲ့ တွေ့ပါတယ်။ အခြားအဖွဲ့တွေလည်း ကားငှားပြီး လာတဲ့သူကလာ၊ ကုန်ကားနဲ့ လိုက်တဲ့သူက လိုက်။ လာနေကြတယ် ပြောပါတယ်။ ဒါနဲ့ ပြည်မှာ ဆုံမယ်။ အောင်လံကို အတူဆက်သွားကြမယ်ဆိုပြီး ဖုန်းနံပတ်တွေယူ၊ ချိန်းထားလိုက်ပါတယ်။

ပြည်ကို ဝင်ခါနီးမှာ ကိုသူရမျိုးက ဖုန်းဆက်ပါတယ်။ သူတို့ကားက ပြည်ရောက်လို့ အောင်လံသွားမယ့်ကားကို အချိန်ဆွဲပြီး စောင့်ခိုင်းထားပါတယ်တဲ့။ ကျွန်တော်စီးလာတဲ့ကားက ပြည်အဝင်မှာ အရှိန်လျှော့လိုက်လို့ ထင်ပါတယ်။ သူတို့ကားက ကျော်သွားတယ်။ ခဏနေတော့ ဖုန်းထပ်ဆက်တယ်။ အောင်လံကားက မစောင့်နိုင်တော့ဘူးဆိုပြီး ထွက်သွားလို့ လိုက်သွားပါပြီတဲ့။ အဲဒီအချိန်မှာမှ ကျွန်တော်က ပြည်ကားဂိတ်ကို ရောက်ပါတယ်။ ည ၂ နာရီလောက်ပေါ့။

ကိုသူရမျိုးက ဖုန်းထပ်ဆက်တယ်။ ကားက ခဏရပ်ပြီး ကျန်းမာရေး အချိန်ပေးထားတယ်တဲ့။ ဆိုင်ကယ်ငှားပြီး လိုက်ခဲ့ပါတဲ့။ ဒါနဲ့ ဆိုင်ကယ်အမြန်ဆုံး မောင်းနိုင်တဲ့သူ(ဂိတ်က လူတွေ ပြောလိုက်တာပဲ)ကို ငှားပြီး လိုက်ပါတယ်။ နောက်ကားက မနက် ၅ နာရီလောက်မှ ထွက်မှာဆိုတော့ ဒီကားလွတ်လို့ မရဘူးလေ။ မောင်းတဲ့သူက တော်ပါတယ်။ အရှိန်အရမ်းမြန်တာရော ရာသီဥတုနဲ့ အေးစက်နေတဲ့ လေတွေကြောင့် လူက တုန်နေပါတယ်။ အောင်လံကားကို မမီတော့ဘူးလို့ ထင်တဲ့အချိန်မှာ ရပ်ထားတဲ့ကားကို လှမ်းမြင်လိုက်ရလို့ တော်တော် ပျော်သွားပါတယ်။ ကားပေါ်ရောက်မှ စိတ်နည်းနည်း သက်သာသွားရတယ်။ ကားကို ဂိတ်မှာရော လမ်းမှာပါ အချိန်ဆွဲပေးထားတဲ့ ကိုသူရမျိုးကို ကျေးဇူးတင်ပါတယ်ဗျာ။

သရက်ကူးတို့ဆိပ်
အောင်လံကိုရောက်တော့ မနက် ၅ နာရီလောက်ရှိပြီပေါ့။ အေးစက်နေတဲ့လေတွေနဲ့ ထပ်တွေ့ပါတယ်။ စက်လှေ ခေါင်မိုးပေါ်မှာပါ။ အနွေးထည်မပါပါ။ မပါဆို အနွေးထည်ကောင်းကောင်းကို မရှိတာ။ ရန်ကုန်က ချမ်းမှ မချမ်းတာ။(အခုတော့ ချမ်းနေပြီ)


ဆီကော်(fb အထာတွေ)

သရက်မှာ ဆီကော်ဆိုတဲ့ ဆီချက်ခေါက်ဆွဲနဲ့ ကော်ရည်ရောထားတာ စားပါတယ်။ တစ်ပွဲ ၃၀၀ ပါ။ စားလို့ ကောင်းပါတယ်။ နွားနို့တိုင်ကီ တစ်ခွက်နဲ့ အီကြာကွေး တစ်ချောင်းလည်း ဆွဲလိုက်ပါသေးတယ်။ ဘယ်အချိန်ထိ မစားမသောက်ပဲ နေရမယ်ဆိုတာ မသိနိုင်ဘူးလေ။

Tha Yet Myo 1869 Central Jail

၈နာရီ လွှတ်မယ်၊ တော်ကြာ ၈ နာရီခွဲလွှတ်မယ်ဆိုပြီး မနက် ၆ နာရီလောက်ကနေ စောင့်မျှော်နေကြတာ ၁၀ နာရီမှာ ကိုမင်းကိုနိုင် ထွက်လာပါတယ်။


  
လွတ်မြောက်လာပါပြီ


  
ကိုမင်းကိုနိုင်


သတ္တဌာန ဘုရားနဲ့ ဆုတောင်းပြည့်ဘုရားကို သွားဖူးပါတယ်။ မီဒီယာတွေ မေးတာ မြန်းတာကို သွားရင်းနဲ့ ဖြေရပါတယ်။ အဲဒီလို ဖြေရင်းနဲ့ သရက်မြို့လူထုကို နှုတ်ဆက်ပါတယ်။

သရက်က အောင်လံအပြန်


အောင်လံကူးတို့ဆိပ်က ကြိုနေတဲ့ လူထု

သရက်၊ အောင်လံ၊ ပြည်မြို့အားလုံးမှာ လှိုက်လှိုက်လှဲလှဲ  ကြိုဆိုနှုတ်ဆက်သူတွေ အများကြီးပါပဲ။ ပြည်မြို့မှာ ညဘက် လူတွေကို နှုတ်ဆက်စကားပြောနေတဲ့ ကိုမင်းကိုနိုင်ကို ဆိုင်ကယ်တွေ ကြားထဲ ဓာတ်ပုံဝင်ရိုက်ရင်း ဆိုင်ကယ်အိပ်ဇောအပူနဲ့ထိမိတဲ့ ခြေသလုံးက ဒဏ်ရာလေး အမှတ်တရယူပြီး၁၀ နာရီခွဲလောက်မှာ ပြည်၊ အောင်လံ၊ သရက် ခရီးစဉ်ကို အဆုံးသတ်ခဲ့ပါကြောင်း မှတ်တမ်းလေး ရေးလိုက်ပါတယ်ခင်ဗျာ။




Sunday, September 18, 2011

Nikon D90 Service Manual

Nikon D90 အတွက် Service Manual ပါ။ Service Manual ဆိုတဲ့အတိုင်း User Manual မဟုတ်ပါဘူး။ Service လုပ်ဖို့အတွက် အဓိက ရည်ရွယ်ပါတယ်။ ကျွန်တော်တော့ မလုပ်တတ်ပါဘူး။ အသုံးလိုရင် ရှာရခက်လို့ Mediafire နဲ့ ပြန်တင်ပေးထားပါတယ်။ မူရင်းဖိုင်ကို တွေ့တဲ့ site က download အရမ်းခက်လို့ပါ။

Click here to download [Mediafire]


Thursday, October 14, 2010

Photo Contest and Exhibition by MMC and MPS


မြန်မာ့ခရီးသွားမြှင့်တင်ရေးကော်မတီိနဲ့ မြန်မာနိုင်ငံဓာတ်ပုံအသင်းတို့ စီစဉ်တဲ့ ဓာတ်ပုံပြိုင်ပွဲ၊ ပြပွဲအကြောင်း ရှင်းလင်းပွဲ ၁၅ ရက် အောက်တိုဘာ ၂၀၁၀ ညနေ ၄ နာရီမှ ၆ နာရီအထိမှာ ပုဂံခန်းမ၊ ကုန်သည်ကြီးများဟိုတယ်မှာ ပြုလုပ်ပါမယ်ဆိုတဲ့အကြောင်း...။


Wednesday, October 6, 2010

Photo Exhibition : The Life of Others





ဓါတ်ပုံပြပွဲတွေ ပြသနေကြပေမယ့် News and Documentary Photo တွေ ပြသမှု နည်းပါးနေတဲ့အတွက် သူတို့ ဝါသနာပါတဲ့ News and Documenatry ကို ကြိုးစားပြသသွားပါမယ်လို့ ဒီနေ့ City Star Hotel က စာနယ်ဇင်းရှင်းလင်းပွဲမှာ ကိုကောင်းထက်နဲ့ ကိုစိုးဇေယျက ပြောပါတယ်။

Photo Journalist နှစ်ယောက်ဖြစ်တဲ့ ကိုကောင်းထက်နဲ့ ကိုစိုးဇေယျထွန်းတို့ရဲ့ ပထမဦးဆုံး The Life of Others လို့ အမည်ပေးထားတဲ့ News and Documentary Photo Exhibition ကို အမှတ် (၇)၊ မဟာစည်သာသနာ့ရိပ်သာလမ်း၊ ဗဟန်းမြို့နယ်မှာ ရှိတဲ့ တကောင်းခန်းမမှာ အောက်တိုဘာလ ၁၄ ရက်နေ့က၁၈ ရက်နေ့အထိ ပြသရောင်းချ သွားမယ်လို့ ကိုကောင်းထက်နဲ့ ကိုစိုးဇေယျတို့က ပြောသွားပါတယ်။

ဓါတ်ပုံအရွယ်အစား ၁၈" x ၂၄" ရှိတဲ့ မြန်မာနိုင်ငံအဝှမ်း နေရာဒေသအသီးသီးက သတင်းနဲ့ မှတ်တမ်းဆိုင်ရာ ဓါတ်ပုံပေါင်း ၆၀ မှ ၇၀ အတွင်းကို ပြသသွားပါမယ်။ သတင်းဓါတ်ပုံပညာကို စိတ်ဝင်စားတဲ့သူများ သွားရောက်ကြည့်ရှုလေ့လာဖို့ လက်တို့လိုက်ပါတယ်ခင်ဗျာ။

အစစ အရာရာ အဆင်ပြေကြပါစေ။

Wednesday, September 1, 2010

3108-Blog Day

31 08 က Blog Day ပါ။ Blog Day က ဘယ်လို သတ်မှတ်ပြီး ဘာတွေ လုပ်ကြတယ်ဆိုတာ အပျင်းကြီးပြီး မရေးတော့ဘူး။ ထူးတေဇာရဲ့ Blog Day 2010 ဆိုတဲ့ Post မှာ ဖတ်လိုက်ကြပါခင်ဗျာ။ ကျွန်တော်တို့ဆီမှာ Blog Day နဲ့ပတ်သတ်ပြီးတော့ အမှတ်ရစရာလေးတွေ အများကြီးပါ။ Blog Day နဲ့ပတ်သတ်ပြီး အခုချိန်ထိ ခင်မင်လာတဲ့ Blogger သူငယ်ချင်းမိတ်ဆွေတွေဆိုတာ အများကြီးပဲ။ အရင်တုန်းက Online မှာ ခင်မင်နေတဲ့ သူငယ်ချင်းတွေ အပြင်မှာပါ တွေ့ပြီး လုပ်ဖြစ်ခဲ့တဲ့ လူမှုရေးလုပ်ငန်းတွေ၊ နည်းပညာဟောပြောပွဲတွေ၊ စကားဝိုင်းတွေ၊ နောက်ဆုံး Barcamp အထိ တော်တော်လေး လုပ်ဖြစ်ခဲ့ကြတယ်။

တကယ်က Blog တစ်ခုဆိုတာ ရေရှည်ရေးဖို့ မလွယ်ပါဘူး။ ရေးနေတဲ့သူတွေကို တကယ်လေးစားပါတယ်။ ဟိုးအရင်ကနေ အခုချိန်ထိ ရေးစရာအကြောင်းအရာ ရှိနေတာတောင် ကျွန်တော်ကတော့ မရေးဖြစ်တာ များပါတယ်။ Draft ထဲမှာ သိမ်းထားတယ်။ Note Pad ထဲမှာ သိမ်းထားတယ်။ စိတ်ကူးထဲမှာ ရေးလိုက် ဖျက်လိုက် လုပ်နေတယ်။ ဒီလိုနဲ့ မရေးဖြစ်တော့ပါ။ ပြီးတော့ ကျွန်တော့်ထက် ရေးတတ်တဲ့သူတွေ ရေးနိုင်တဲ့သူတွေကို လိုက်ဖတ်နေရတာနဲ့တင် ရေးဖို့ အချိန်မရှိတာလည်း ပါပါတယ်။

Blog Day မှာ မရေးတာကြာတဲ့ ကိုယ့် Blog ကို ဝင်ကြည့်တာပါ။ စာမရေးဖြစ်ရင်တောင် ပုံတွေတော့ တင်ဖြစ်မယ်ထင်ပါတယ်ခင်ဗျာ။

အစစ အရာရာ အဆင်ပြေကြပါစေ။